ଭାରତ ଆତଙ୍କବାଦ ବିରୋଧରେ ଯେକୌଣସି ସୀମାକୁ ଯାଇପାରେ: ରାଜନାଥ ସିଂହ
ଗୁରୁବାର ଦିନ ଜମ୍ମୁ ଓ କାଶ୍ମୀରର ଶ୍ରୀନଗର ଉପକଣ୍ଠରେ ଥିବା ବାଦାମୀ ବାଗ ଛାଉଣୀରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଭାରତୀୟ ସଶସ୍ତ୍ର ବାହିନୀର ସୈନିକଙ୍କ ସହ ଆଲୋଚନା କରିଥିଲେ। ସେ ବାଦାମୀ ବାଗ ଛାଉଣୀରେ ଜବାନମାନଙ୍କୁ ମଧ୍ୟ ସମ୍ବୋଧିତ କରିଥିଲେ। ଶ୍ରୀନଗରର ବାଦାମୀ ବାଗ କ୍ୟାଣ୍ଟରେ ଭାରତୀୟ ସେନାର ସୈନିକମାନଙ୍କୁ ସମ୍ବୋଧିତ କରି ପ୍ରତିରକ୍ଷା ମନ୍ତ୍ରୀ ଅପରେସନ ସିନ୍ଦୂରର ସଫଳତାରେ ଭାରତୀୟ ସଶସ୍ତ୍ର ବାହିନୀର ସୈନିକମାନଙ୍କ ଭୂମିକା ପାଇଁ କୃତଜ୍ଞତା ପ୍ରକାଶ କରିଥିଲେ। ସେ ଆତଙ୍କବାଦ ବିରୁଦ୍ଧରେ ଲଢ଼ି ପ୍ରାଣବଳି ଦେଇଥିବା ସାହସୀ ଯବାନମାନଙ୍କ ସହିତ ପହଲଗାମ ଆକ୍ରମଣରେ ପ୍ରାଣ ହରାଇଥିବା ନିର୍ଦ୍ଦୋଷ ନାଗରିକଙ୍କୁ ମଧ୍ୟ ଶ୍ରଦ୍ଧାଞ୍ଜଳି ଜଣାଇଥିଲେ।
“ପ୍ରଥମେ, ମୁଁ ଆତଙ୍କବାଦ ଏବଂ ଆତଙ୍କବାଦୀଙ୍କ ସହିତ ଲଢ଼ିବା ସମୟରେ ସାହସୀ ଯବାନମାନଙ୍କ ସର୍ବୋଚ୍ଚ ବଳିଦାନକୁ ପ୍ରଣାମ କରିବାକୁ ଚାହୁଁଛି। ମୁଁ ସେମାନଙ୍କ ସ୍ମୃତିକୁ ସମ୍ମାନ ଜଣାଉଛି। ପହଲଗାମରେ ପ୍ରାଣ ହରାଇଥିବା ନିର୍ଦ୍ଦୋଷ ନାଗରିକଙ୍କୁ ମଧ୍ୟ ମୁଁ ସମ୍ମାନ ଜଣାଉଛି। ଆହତ ସୈନିକଙ୍କ ବୀରତ୍ୱକୁ ମଧ୍ୟ ମୁଁ ସଲାମ କରୁଛି ଏବଂ ସେମାନେ ଶୀଘ୍ର ସୁସ୍ଥ ହୁଅନ୍ତୁ ବୋଲି ଭଗବାନଙ୍କ ନିକଟରେ ପ୍ରାର୍ଥନା କରୁଛି,” କହି ସିଂହ ଭାଷଣ ଆରମ୍ଭ କରିଥିଲେ ।
ସେ ସେନାଙ୍କୁ କୃତଙଜ୍ଞତା ଜଣାଇ କହିଥିଲେ, “ଏପରି ପ୍ରତିକୂଳ ପରିସ୍ଥିତି ମଧ୍ୟରେ ଆପଣଙ୍କ ମଧ୍ୟରେ ଉପସ୍ଥିତ ହୋଇ ମୁଁ ଗର୍ବିତ ଅନୁଭବ କରୁଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସକ୍ଷମ ନେତୃତ୍ୱ ଏବଂ ମାର୍ଗଦର୍ଶନରେ ଅପରେସନ ସିନ୍ଦୁର ସମୟରେ ଆପଣମାନେ ଯାହା କରିଥିଲେ ତାହା ପାଇଁ ସମଗ୍ର ଦେଶ ଗର୍ବିତ। ଆପଣଙ୍କ ପ୍ରତିରକ୍ଷା ମନ୍ତ୍ରୀ ହେବା ପୂର୍ବରୁ, ମୁଁ ଜଣେ ଭାରତୀୟ ନାଗରିକ। ପ୍ରତିରକ୍ଷା ମନ୍ତ୍ରୀ ହେବା ସହିତ, ମୁଁ ଜଣେ ଭାରତୀୟ ନାଗରିକ ଭାବରେ ଆପଣଙ୍କ ପ୍ରତି କୃତଜ୍ଞତା ପ୍ରକାଶ କରିବାକୁ ଏଠାରେ ଆସିଛି“।
ପହଲଗାମ ଆକ୍ରମଣ ପରେ, ଜମ୍ମୁ-କାଶ୍ମୀରର ଲୋକମାନେ ଯେଉଁଭଳି ଭାବରେ ପାକିସ୍ତାନ ଏବଂ ଆତଙ୍କବାଦୀଙ୍କ ବିରୁଦ୍ଧରେ ନିଜର କ୍ରୋଧ ପ୍ରକାଶ କରିଥିଲେ – ମୁଁ ଜମ୍ମୁ-କାଶ୍ମୀରର ଲୋକମାନଙ୍କୁ ମଧ୍ୟ ସଲାମ କରୁଛି। ମୁଁ ଏଠାରେ ସେହି ଶକ୍ତି ଅନୁଭବ କରିବାକୁ ଆସିଛି ଯାହା ଶତ୍ରୁମାନଙ୍କୁ ଧ୍ୱଂସ କରିଥିଲା। ତୁମେ ସୀମା ଆରପାରିରେ ପାକିସ୍ତାନୀ ବଙ୍କରଗୁଡ଼ିକୁ ଯେପରି ଧ୍ୱଂସ କରିଥିଲ, ମୁଁ ଭାବୁଛି ଶତ୍ରୁ ଏହାକୁ କେବେ ଭୁଲି ପାରିବ ନାହିଁ,” ସେନାଙ୍କ ସାହସର ପ୍ରଶଂସା କରି କହିଥିଲେ। ସେ ଆହୁରି କହିଛନ୍ତି ଯେ ଅପରେସନ ସିନ୍ଦୂର ମାଧ୍ୟମରେ, ଭାରତ ବିଶ୍ୱକୁ ଏହାର ଅଟଳ ସଂକଳ୍ପ ଏବଂ ଆତଙ୍କବାଦ ବିରୋଧରେ ଯେକୌଣସି ସୀମାକୁ ଯିବା ପାଇଁ ପ୍ରସ୍ତୁତତା ପ୍ରଦର୍ଶନ କରିଛି।
“ଭାରତ ଦେଖାଇଛି ଯେ ଏହା କେବଳ ଆତ୍ମରକ୍ଷା ପାଇଁ ସକ୍ଷମ ନୁହେଁ ବରଂ ଦୃଢ଼ ପ୍ରତିଶୋଧମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରିବାରେ ମଧ୍ୟ ସକ୍ଷମ। ଅପରେସନ୍ ସିନ୍ଦୁର ଇତିହାସର ସବୁଠାରୁ ଗୁରୁତ୍ୱପୂର୍ଣ୍ଣ ଆତଙ୍କବାଦ ବିରୋଧୀ ଅଭିଯାନ ଭାବରେ ପରିଚିତ। ଏହା ମାଧ୍ୟମରେ, ଭାରତ ବିଶ୍ୱକୁ ଏକ ସ୍ପଷ୍ଟ ବାର୍ତ୍ତା ଦେଇଛି। ଏହା ଆତଙ୍କବାଦକୁ ଦୂର କରିବା ପାଇଁ ଯେକୌଣସି ସୀମାକୁ ଯିବାକୁ ପ୍ରସ୍ତୁତ। ଯେତେବେଳେ ଆତଙ୍କବାଦୀମାନେ ଭାରତର କପାଳରେ ଆଘାତ କଲେ, ଆମେ ସେମାନଙ୍କ ହୃଦୟରେ ପ୍ରତିଘାତ କଲୁ।” “ସେମାନେ ଧର୍ମ ଉପରେ ଆଧାର କରି ସେମାନଙ୍କର ଲକ୍ଷ୍ୟ ବାଛିଥିଲେ, କିନ୍ତୁ ଆମେ ସେମାନଙ୍କ କାର୍ଯ୍ୟ ଉପରେ ଆଧାର କରି ପ୍ରତିକ୍ରିୟା ଦେଇଥିଲୁ। ଆମର ପ୍ରତିକ୍ରିୟା ପକ୍ଷପାତ ଦ୍ୱାରା ନୁହେଁ, ନ୍ୟାୟ ଦ୍ୱାରା ପରିଚାଳିତ ହୋଇଥିଲା,” ସେ କହିଛନ୍ତି।
ଶ୍ରୀ ସିଂହ ଆଜି ଶ୍ରୀନଗରରେ ପହଞ୍ଚି ଜମ୍ମୁ-କାଶ୍ମୀରର ସାମଗ୍ରିକ ସୁରକ୍ଷା ପରିସ୍ଥିତି ଏବଂ ସଶସ୍ତ୍ର ବାହିନୀର ଯୁଦ୍ଧ ପ୍ରସ୍ତୁତି ସମୀକ୍ଷା କରିଛନ୍ତି। ପହଲଗାମ ଆତଙ୍କବାଦୀ ଆକ୍ରମଣ, ଅପରେସନ ସିନ୍ଦୁର ଏବଂ ଭାରତ ଏବଂ ପାକିସ୍ତାନ ମଧ୍ୟରେ ଶତ୍ରୁତା ବନ୍ଦ ଚୁକ୍ତିନାମା ପରେ ପ୍ରତିରକ୍ଷା ମନ୍ତ୍ରୀଙ୍କ ଏହା ପ୍ରଥମ ଜମ୍ମୁ-କାଶ୍ମୀର ଗସ୍ତ।
